22.05.2019
Башкортостан Республикаһы Мәғарифты үҫтереү институты тарафынан Өфө ҡалаһында 21 майҙа Рәсәй Федерацияһы республикалары дәүләт телдәре, Бөтә Рәсәй мәктәп уҡыусылары олимпиадалары һәм башҡа интеллектуаль ярыш еңеүселәре өсөн «Башкортостан өмөтө –2019» исемле һәләтле балалар форумы үтте. Форумда беҙҙең райондан 3 уҡыусы ҡатнашты. Иҫәнғол 2-се һанлы мәктәбенән ОБЖ фәне буйынса, Абзан мәктәбенән Ҡ.И. саҡырыу алдылар.
9-сы класс уҡыусыһы башҡорт теле һәм әҙәбиәтенән Республика олимпиада еңеүсеһе Ҡ.И. (уҡытыусыһы Йылҡыбаева Г.Р.) был мәртәбәле форумда ҡатнашыу бәхетенә эйә булды.
«Йәшел сауҡалыҡ» шифаханаһында ойошторолған был сарала Башҡортостан Республикаһы хөкүмәте ағзалары, юғары уҡыу йорттары ректорҙары һәм алдынғы уҡыусылар араһында йәнле аралашыу булды. Уҡытыусалар методик семинарҙа ҡатнашты, һәләтле балалар менән эшләүҙә инновацион алымдар тураһында фекер алышты.
Просмотров всего: , сегодня:
Дата создания: 04.06.2019
Дата обновления: 04.06.2019
Дата публикации: 22.05.2019