27.05.2019
Яҙҙың иң матур, йәмле көндәренең береһендә мәктәбебеҙ үҙенең ҡарлуғастарын – 11–се синыф уҡыусыларын – ҙур тормош киңлектәренә осорҙо. Мәктәпте тамамлаусы 13 уҡыусыүҙҙәренең класс етәкселәре Айгөл Әхсән ҡыҙы менән музыка аҫтында тантаналы линейка алдына сығып баҫтылар. Шулай уҡ был көндә 9-сы синыф уҡыусыларының да күптәренә һуңғы ҡыңғырау яңғыраны. Был сараға район хөкөмәте башлығы урынбаҫары Аҡбутин Р. һәм Абзан ауылы биләмәһе башлығы Бикбулатов Н.Х. килеүҙәре ҙур мәртәбә булды. Сығыштар йыр-бейеү менән аралашып барҙы. Мәктәп директоры Булатасова С.А. мәктәп олимпиадаларында, МАН-да ҡатнашып, призлы урындар алған уҡыусыларға маҡтау грамоталары һәм аҡсалата дәртләндереү премиялары тапшырҙы. Шундай уҡ традицияға ингән Мәһәҙиевтар премияһын мәктәпте тамамлаусы 3 уҡыу алдынғыһына Мәһәҙиев Илфат Барис улы тапшырҙы. Был аҡсалата бүләкләнеүгә И., Ә., И. лайыҡ булдылар. Ә инде Мырҙабулатовтар премияһына йыл буйы мәктәп, район, республика күләмендә үткәрелгән сараларҙа әүҙем ҡатнашҡан һәм призлы урындар алған 10 уҡыусыға тапшырылды.
Ветеран уҡытыусыларҙың да, ата-әсәләрҙең дә килеүҙәре һуңғы ҡыңғырау байрамына йәм өҫтәне.
Ә инде тәүге уҡытыусылары Бикбаева Ф.Г. – ның сығышы бер кемде лә битараф ҡалдырмағандыр.
Һуңғы ҡыңғырау сыңы бәхетле бала саҡты, онотолмаҫ мәктәп йылдарының сыңы булып һәр уҡыусының хәтерендә ҡалһын! Һуңғы ҡыңғырау 11-селәргә алда торған бөйөк эштәргә саҡырыу булып яңғыраһын!
Просмотров всего: , сегодня:
Дата создания: 04.06.2019
Дата обновления: 04.06.2019
Дата публикации: 27.05.2019